Rou7 Beirut

"روح بيروت" مبادرة هدفها المحافظة على متعة التسوّق بالشارع وتشجيع المحلات يلّي بدونن بتصير بيروت بلا روح .

تعو نشجّع اصحاب هل المحلات ونحطُّن بالواجهة من جديد.

تعو نشتري من عندُن ونتصوّر معُن ونضوّي عليُن وعمحلّاتُن. ونحطّ الصور على صفحة "روح بيروت" علفيسبوك مع هاشتاغ #اشتري_حد_البيت

"روح بيروت" رح تدعي أصحاب هالمحلات لدورات تدريبية ليطورو محلاتُن ويحسنو واجهاتُن ويسوقو حالُن بشكل أفضل على مواقع التواصل الاجتماعي.


انطلاق المبادرة رح يكون نهار الخميس 9 تشرين الثاني 2017 الساعة 7 المسا بمتحف سرسق - مار نقولا - الأشرفية، منعمل جولة من بعدا على أرجاء المتحف ومنتعرّف غلى محتوياتو وتاريخو.

الدورة التدريبية لتزيين الواجهات نهار الجمعة 10 تشرين التاني 2017 بمدرسة السان شارل حد مستشفى رزق بالأشرفية
الدورة التدريبية للتسويق على مواقع التواصل الاجتماعي نهار التنين 13 تشرين التاني 2017 الساعة 7 المسا بأوتيل Royal Tulip بالأشرفية
لكل يللي ما عندو صفحة عالفيسبوك، تواصلو معنا على البريد الالكتروني [email protected] أو عالواتساب 365194-81 لنخلق سوا صفحة خاصّة لإلكُن.

وكمان روح بيروت رح تساهم بالتعاون مع MONEY بتفعيل حركة المبيع بهيدي المحلات من خلال تقديم تسهيلات مالية وخلق عروضات وتنويع شبكة الخدمات اللي بقدموها.